AS NOSAS RECEITAS
Para 4 persoas
Voandeiras de pescadeRías gratinadas con velouté de queixo San Simón da Costa e kinchie
Ingredientes:
- 500 gr. de fumé branco de voandeira do selo pescadeRías
- 60 gr. de queixo San Simón da Costa
- 30 gr. de fariña
- 30 gr. de manteiga
- 15 gr. de kinchie
- 1 gr. de sal
- 1 quilo de voandeiras do selo pescadeRías en media cuncha
- Cebolo
- Loureiro
- Auga mineral
Paso a paso
- Comezar polo fumé branco, botar auga mineral nunha pota e engadir dúas voandeiras, unha folla de loureiro e levar a ebulición. Cando comece de ferver contamos 10 minutos, escumamos e apagamos.
- Para a velouté, fundir a manteiga nunha tarteira, engadir a fariña e facer un roux branco. Ir engadindo o fumé quente pouco a pouco e, tamén amodo, sumar o kinchie porque ao estar frío pode cortar a salsa. Ao final só nos queda engadir o queixo raiado o máis fino posible e integrar. Reservar.
- Lavar as voandeiras e despegar da cuncha. Volver montalas tras escorrer a auga e tapar coa velouté. Gratinar 5 minutos no forno.
- Montaxe: coas voandeiras temperadas, decorar con cebolo picado.
