AS NOSAS RECEITAS
Para 4 persoas
Petisco de berberechos do selo pescadeRías con guacamole de pementos de Arnoia asados e wakame
Ingredientes:
Para o guacamole:
- 100 gr. de aguacate (limpo)
- 25 gr. de cebola vermella (limpa)
- 17 gr. de tomate (limpo e sen pebidas)
- 7 gr. de allo (limpo e sen grelo)
- 110 gr. de pemento verde de Arnoia asado
- 15 gr. de zume de lima
- 1 gr. de sal
Para os berberechos:
- 500 gr. de berberechos do selo pescadeRías
- 40 gr. de AOVE
- 15 gr. de perexil
- 15 gr. de allo
Outros ingredientes:
- Wakame
- Raquetiñas (tostas)
Paso a paso
- Lavamos os pementos, untamos de aceite e asamos no forno a 180º durante 25 minutos. Deixamos atemperar e pelamos e quitamos as pebidas antes de que perdan toda a temperatura. Deixamos repousar a carne sobre papel para que acaben de perder a auga que lle quede.
- Introducimos no vaso do batedor todos os ingredientes do guacamole, trituramos ata conseguir un puré fino, introducimos nunha manga con boca de estrela e reservamos en frío.
- Poñemos nunha tixola a lume máximo os berberechos e salpicamos con AOVE, perexil e allo (previamente triturados). Tapamos durante 2-3 minutos e logo quitámoslle a cuncha.
- Cortamos en anacos pequenos un pouco de wakame e reservamos.
- Montaxe: sobre unha raqueta poñemos 10 gr. de guacamole, enriba un berberecho en conserva e acabamos cun pouco de wakame.
