AS NOSAS RECEITAS
Para 4 persoas
Noodle de chopo de pescadeRías e chalota confeitada
Ingredientes:
Noodle:
- 200 gr. de chopo do selo pescadeRías (moi limpo)
- 300 gr. leite de coco
Chalota confeitada:
- 200 gr. chalota
- 50 gr. AOVE
- Sal
- Azucre
Pasta de allo limón:
- 25 gr. de allo
- 50 gr. de AOVE
- 50 gr. de zume de limón
Outros ingredientes:
- Latas baleiras
- Pementa negra
- Sal
- Lima raiada
Paso a paso
- Limpar o chopo e reservar só a carne branca (limpar as cabezas de pel tamén). Cortar en cubos de 1,5 cm. Introducir no vaso do batedor a crema de coco e o chopo. Triturar ata que se mesture e revolver de arriba a abaixo. Introducir a mestura nunha manga pasteleira e intentar sacar todo o aire posible e pasar a un biberón. Golpear o envase sobre unha superficie dura para extraer todo o aire. Colocar unha boquiña cun diámetro de 4 mm.
- Cocer a pasta en auga entre 55-58º depositándoa coidadosamente en forma de fío. Cocer ata que o centro xa non estea brando, sobre 10 minutos. Extraer cunha escumadeira e colocar nunha bandexa dándolle forma de espiral. Deixar arrefriar. Cortar sobre papel sulfurado con aceite deixando os extremos rectos. Debe quedar unha espiral de máximo 5 cm de diámetro.
- Para confeitar as chalotas, sen quitar a pel, cortar un pouco as raíces. Sen chegar a cortalas de todo, partilas pola metade. Untar a parte cortada con AOVE, sal e azucre. Colocar esta parte sobre unha tixola e cociñar ata acaramelar o azucre. Acabar de cociñar dándolle a volta e tapándoas durante 8 minutos. Reservar nun lugar temperado sen destapar.
- Para a pasta de allo e limón, mesturar todos os ingredientes. Reservar a temperatura ambiente.
- Pintar a parte superior da espiral do noodle de chopo con aceite de oliva. Dourar rapidamente nunha prancha a 220º. Botar zume de limón e reducir ata que se evapore. Sacar cunha espátula o noodle, colocar o lado cociñado sobre o papel sulfurado, aplicar a pasta de allo e limón. Sazonar con sal e pementa. Cocer o allo a temperatura media. Quentar as chalotas.
- Montaxe: nunha lata baleira depositamos no centro o noodle e enriba unha ou dúas metades de chalotas (depende do tamaño). Raiar lima e servir temperado.
