AS NOSAS RECEITAS
Para 4 persoas
Humus de fabas de Lourenzá e Mexillón de Galicia á carbonara de mar
Ingredientes:
Carbonara de Mar:
- 50 gr. de manteiga
- 100 gr. de cebola
- 100 gr. de porros
- 5 gr. de allo
- 120 gr. de Mexillón de Galicia en escabeche suave
- 20 gr. de zume dos mexillóns
- 100 gr. de espumoso branco
- 150 gr. de nata
Humus:
- 35 gr. de AOVE
- 15 gr. de zume de lima
- 5 gr. de salsa chipotle
- 1,5 gr. de allo
- 240 gr. de fabas de Lourenzá cocidas
- 1 gr. de comino moído
- 1 gr. de pemento doce
- 1 gr. de sal
Outros ingredientes:
- Torradas Mariñeiras
- Cebolo ou perexil picado
Paso a paso
- Cortamos a cebola, o porro e o allo en xuliana fina e rustrimos coa manteiga. Introducimos os mexillóns ao natural, o seu zume e o espumoso e reducimos. Incorporamos a nata e volvemos reducir un pouco ata que se integre todo. Trituramos todo en quente ata que quede moi fino. Reservamos en frío.
- Introducimos no vaso do batedor todos os ingredientes do humus, trituramos ata conseguir un puré fino e vertemos nunha manga con boca de estrela. Reservamos en frío.
- Picamos o cebolo ou o perexil e reservamos.
- Montaxe: sobre unha torrada Mariñeira facemos unha pequena rosa de humus na metade da cuncha e poñemos un mexillón en escabeche escorrido na parte inferior a continuación do humus. Collemos unha cullerada de carbonara e gratinamos cun soprete. A continuación, poñemos unha pequena quenelle (especie de croqueta feita coa axuda de dúas culleres) enriba de cada mexillón e decoramos co cebolo ou perexil picado.
