AS NOSAS RECEITAS
Para 4 persoas
Fusión de mexillóns ao vapor Galicia Thai
Ingredientes:
- 100 gr. de Mexillón de Galicia
- 100 gr. de cebola morada
- 15 gr. de xenxibre fresco
- 15 gr. de syracha
- 15 gr. de AOVE
- 10 gr. de aceite de sésamo
- 10 gr. de vinagre de Módena
- 15 gr. de azucre moreno
- 65 gr. de leite de coco
- 8 gr. de salsa de soia
- 60 gr. de aguacate (limpo)
- 1 lima (só en zume)
- Cunchas de mexillón
- Alfábega fresca
Paso a paso
- Lavar os mexillóns, sacarlle as barbas e reservar. Poñer a quentar o wok e, unha vez quente, introducir o AOVE, a cebola morada, o xenxibre laminado e saltear un minuto. Engadir a syracha, o aceite de sésamo, os mexillóns e o vinagre de Módena e tapar para que abran os mexillóns. Unha vez abertos, sacalos e reservar deixando o caldo e a verdura no wok.
- Poñer o wok ao mínimo, introducir o leite de coco, o azucre moreno, a soia, o aguacate cortado en brunoise e o zume dunha lima. Reducilo ata ligar a salsa e apagar. Para a montaxe, abrir os mexillóns, despegar a vaina e poñela nunha das cunchas. Quentar a salsa (sen as láminas de xenxibre), poñer un pouco en cada cuncha e decorala con alfábega fresca xusto antes de servir.
